Mjeku anestezist Mihal Kerci është prekur nga COVID-19 dhe është në gjendje kritike për jetën. Lajmin e ka bërë të ditur Shoqata e Anestezistëve dhe Reanimatorëve të Shqipërisë.
Në njoftim thuhet se Kerci është nën asistencë respiratore maksimale ndërsa stafi bluzat e bardha janë në mbështetje të ekipit mjekësor që po i shërben me profesionalizëm dhe përkushtim maksimal.
“Prej disa ditesh prof.Mihal Kerci është nën asistencë respiratore maksimale në gjendje kritike për jetën.Jemi të gjithë në mbështetje të ekipit mjekesor që po i shërben me profesionalizem dhe perkushtim maksimal.
Lutemi të gjithë për shendetin e të palodhurit,organizatorit dhe drejtuesit të jashtëzakonshëm,kryetarit të shoqatës sonë! Me shpresën për ta kaluar situatën e vështirë,i urojmë prof.Mishës rikuperim dhe shërim të shpejtë !”, thuhet në njoftim.
