Një 27-vjeçar është plagosur pas një aksidenti rrugor të ndodhur pak minuta më parë në Fier.
Policia njofton se i riu ka humbur kontrollin e mjetit tip “Benz” dhe ka dalë nga rruga, te “Rrethrrotullimi i Patosit”.
"Sot rreth orës 15:20, në vendin e quajtur “Rrethrrotullimi i Patosit”, shtetasi O. S., 27 vjeç, banues në Patos, duke drejtuar automjetin tip “Benz”, ka humbur kontrollin dhe ka dalë nga rruga.
Për pasojë është dëmtuar drejtuesi i mjetit dhe ndodhet në spitalin rajonal Fier nën kujdesin e mjekëve.
Grupi hetimor ndodhet në vendngjarje dhe po punon për zbardhjen e ngjarjes", shkruan policia.
