Presidenti Ilir Meta i ka bërë thirrje qeverisë që mbështesë personelin mjekësor të spitaleve COVID-19, qendrave rajonale dhe mjekët e familjes me trajtim financiar suplementar.
Kreu i shtetit thekson se shtimi i rasteve së humbjes së jetëve nga radhët e bluzave të bardha, e bën këtë masë të domosdoshme. Mes të tjerash Presidenti shto se koha për të vepruar nuk pret më.
"Mjekët, infermierët dhe personeli mbështetës i spitaleve COVID, i qendrave rajonale, si dhe mjekët e familjes, për shkak të ekspozimit ndaj rrezikut infektiv duhet të mbështeten me trajtim financiar suplementar nga shteti. Shtimi i rasteve së humbjes së jetëve nga radhët e bluzave të bardha, e bën këtë masë të domosdoshme. Koha për të vepruar nuk pret më", shkruan Meta.
