Shkolla 9-vjeçare "Ismail Qemali'' në Vlorë është kthyer në një vatër Covid-19.
Situata është tejet alarmante, teksa nga burimet bëhet me dije se 8 mësues janë konfirmuar pozitivë me Covid-19.
Drejtori i kësaj shkolle gjithashtu vijon të jetë i prekur nga ky virus. Jashtë kamerave pohohet se edhe një numër i madh nxënësish kanë shfaqur simptoma, kanë bërë tamponët dhe janë pozitivë.
Po ashtu edhe prindër të tyre sërish të prekur nga virusi,ndërsa mësimi vijon normalisht. Një numër i madh i nxënësve nuk e frekuentojnë mësimin për shkak të frikës, e pjesa tjetër për arsye shëndetësore.
Ky institucion arsimor është ndër më shqetësuesit në vend për nga numri i të prekurve me covid.
