Ish-këshilltari i ish-kryeministrit Sali Berisha, gazetari Ilir Kadia në një postim në rrjetet sociale, reagon pas emërimit të të birit si zv/ministër i Financave.
Besart Kadia u emërua një ditë më parë në këtë post nga kryeministri Edi Rama, ndërsa më herët mbante postin e sekretarit për sipërmarrjen e lirë pranë Partisë Demokratike si anëtar i Këshillit Kombëtar.
Gazetari Kadia shkruan se të gjithë kanë të drejtën e tyre të shprehen kundër këtij vendimi, por nuk mund ta shoqërojnë mendimin me fjalë fyese.
“Shumë miq Facebook-u mbajnë qëndrim kundër pranimit të detyrës së zëvendës ministrit të financave në qeverinë Rama nga im bir! Janë në të drejtën e tyre!
Mirëpo kur këtë qëndrim e shoqërojnë me fjalë fyese dhe të pavërteta të tjera atëherë nuk mund të jenë miq me mua! Kaq e thjeshtë është! Shëndet të kenë”, shkruan ai.
Ilir Kadia ka qenë këshilltar i Sali Berishës në mandatin e dytë si kryeministër.
