Kryeministri Edi Rama ka folur për rastet e fundit të vetvrasjeve të ndodhura në spitalet Covid. Sipas tij shkak për këtë veprim ekstrem është bërë futja e virusit në trup. Kreu i qeverisë e ka krahasuar situatën me Italinë, duke thënë se edhe në shtetin fqinj shifrat e vetvrasjes janë të larta. Sipas kreu të qeverisë është marrëzi të mendohet se kjo situatë vjen si rrjedhojë e keqmenaxhimit të situatës.
"Si mund të ngrihet hipoteza se vetëvrasjet ndodhin në spital për këtë?! Shifrat botërisht tregojnë atë që është paralajmëruar në mënyrë të vazhdueshme nga ekspertët se një nga pasojat e futjes së këtij armiku të padukshëm në trupin e njëriut, është nxitja për të vrarë veten. Është e materializuar në shifra. Në Itali nga marsi në gusht u vetëvranë 71 persona. Janë regjistruar një numër i konsiderueshëm tentativash vetëvrasjesh. Në Francë është lidhur numër i vetëvrasjeve, që lidhen me COVID. 4 persona në Gjermani, në Arabinë Saudite, në Britani. Kanë kryer vetëvrasje nga ankthi, në Mbretërinë e Bashkuar një infermierë vrau veten gjatë orarit të punës. Një mjek rus u vetëvra duke u hedhur nga dritaret e spitalit, pasi rezultoi pozitiv me COVID dhe kanë përjetuar stresin emocional të frikës që paralajmërohet në mënyrë të vazhdueshme nga ekspertet e shëndetit në këtë situatë. Nga 21 shtatori deri në 20 tetor, 4 pacientë janë vetvrarë në Ukrainë", tha Rama.
