Qendrat e votimit u hapën sot për zgjedhjet presidenciale amerikane, ku garojnë presidenti aktual, Donald Trump, i cili po kërkon një mandat të dytë, dhe rivali i tij, demokrat, Joe Biden. Qytetarët në sheshin kryesor të Prishtinës para mikrofonit të mediave kosovare patën preferenca të ndryshme për kandidatët, megjithëse shfaqën një preferencë më tepër karshi kandidatit demokrat Biden. Sipas tyre, ish-zv.presidenti në administratën Obama është shfaqur më tepër mbështetës ndaj shtetit të Kosovës. Të tjerë mendojnë se do të jetë një fitore e ngushtë mes dy kandidatëve që kanë bërë një punëtë madhe për shtetin shqiptar.
“Për këtë periudhë më mirë do të ishte të fitojë demokrati Biden sepse demokratët në kohën e fundit kanë punuar më mirë për ne. Kanë qenë më të kuptueshëm dhe na kanë ndihmuar më shumë. Besoj dhe shpresoj se do të fitojë Biden, por edhe nëse fiton Trumpi nuk është keq për ne”, ka thënë një qytetare në Kosovë.
