Kryeministri Edi Rama i është drejtuar akuzave të bëra nga kryetarja e Lëvizjes Socialiste për Integrim, Monika Kryemadhi e cila ka thënë se shkolla “Sami Frashëri” në 2017 i ka kaluar me vendim qeverie në pronësi Bashkisë së Tiranës. Kreu i qeverisë ka mohuar akuzat duke thënë se janë vetëm shpifje dhe genjeshtra, të shpërndara në mënyrë të qëllimshme.
"Për fat të keq jetojmë në një kohë kur faktet janë viktimë e rrjeteve sociale, e volumit marramendës të informacionit të paverifikuar e shpërndarjes së qëllimshme masivisht të shpifjeve dhe gënjeshtrave dhe për fat të keq Monika, Iliri, Saliu janë absolutisht në vendin e duhur dhe kohën e duhur me instrumente të duhur që të jep kjo kohë për t'u lëshuar në një shifra marramendës si ky që po e vënë me shpifje dhe gënjeshtra duke pasur parasysh faktit që gënjeshtra janë më të shpejta në arritjen audiencës. Shkolla po rindërtohet, puna ka nisur, dokumentet e pronës janë publikuar edhe sot nga Veliaj përsëri dhe Monika thotë shkolla do të ndërtohet në Paskuqan, domethenë "Kap ca të kapësh", ta haj kush ta haj, ashtu si thotë që shërimi nga COVID duhet ta kërkojmë në Kisha", tha Rama.
