Prezantimi i platformës “Deputeti që duam” është zhvendosur në Elbasan. Nga ky qytet kryeministri Edi Rama u shpreh se opozita nuk e sfidon dot Partinë Socialiste duke shtuar se PS-së i nevojiten njerëz që kanë energji të mëdha.
“Ne na duhen njerëz që vijnë nga lufta e përditshme, që duan të bëjnë jetën e tyre më të mirë dhe të familjes me punë, duke mësuar edhe nga gabimet e tyre e për të mos u dorëzuar përballë vështirësive. Jam besim-plotë se jemi në rrugën e duhur. Në këtë rrugë na duhen energji të mëdha. Nuk na sfidojnë dot, janë shumë mbrapa. Është opozitë mizerable në çdo aspekt, në lidhjet me njerëzve, në aspektin e halleve të përditshme. Sot është një opozitë e pandershme. Procesi ynë është i drejtpërdrejtë, është ftesë e hapur”, tha Rama.
