Naftëtarët e Ballshit vendosën këtë të hënë të hyjnë në grevë urie për shkak se nuk kanë pasur një përgjigje nga kompania për rifillimin e punës si dhe për pagat e prapambetura. Ditën e sotme përfaqësues të sindikatës kanë dalë të protestojnë përpara uzinës. Një përfaqësi e naftëtarëve të uzinës vendosën të ndërmarrin këtë veprim ekstrem, në të njëjtin ambient ku u futën edhe herën e parë.
Gjendja ekonomike e 900 punonjësve është tejet e rënduar ndaj 10 persona vendosën të rinisin grevën, nga pas kanë mbështetjen e gjithë naftëtarëve.
