Një nga emrat kryesorë të Oranews, Sonila Meço ka dalë në mbrojtje të pronarit duke kujtuar se janë 14 vite që Ylli Ndroqi është në tregun mediatik me televizionet e tij. Meço e quajti të qëllimshëm operacionin e SPAK, kur tha se "një vendim i mbyllur atje nuk mund të mbajë peng për të gjithë jetën një person".
Por duke qenë se vetë Meço ka pasur një eksperiencë të ngjashme në Agon Channel, ajo nuk mund të kujtonte se sulmi ndaj një mediaje ka kosto për shtetin. "Të kujtojmë edhe raste të reja që duhen kujtuar në këto momente, që duhen kujtuar" ka përsëritur gazetarja, për të cilën e gjithë kjo situatë ngjan me një deja vu aspak të këndshme.
E paqartë ishte Meço kur kërkoi që t'i shkohet më tej origjinës së pasurive të të gjithë pronarëve të medias, duke përmendur edhe mediat kombëtare.
