Gjatë bashkëbisedimit me ndjekësit në Facebook, kreu i opozitës, Lulzim Basha është pyetur edhe për incidentin që ndodhi në "Qytetin Studenti", ku nuk u lejua të zhvillonte një bisedë me studentë brenda konvikteve pas ndërhyrjes së punonjësve të emëruar nga kryebashkiaku Erion Veliaj.
"Së pari unë do e vazhdoj turin tim dhe nuk ka askush dhe asgjë. Mua më vjen keq për atë zonjës se ishte e terrorizuar, e bëri me urdhër nga lart. 30 vjet pasi aty ra komunizmi pamë një gjendje të turpshme. Erdhi me urdhër nga lart, por kot e kanë mua s’më ndalin dot. Shpresoj që së shpejti të takohemi, unë do e vazhdoj turin tim edhe në universitet", tha Basha.
