Gazetari Ylli Rakipi ka dalë në një prononcim për mediat, jashtë ambienteve të gjykatës ku po zhvillohet gjyqi i tij me kryeminstrin Edi Rama, i cili e ka paditur për cënim të imazhit. Nga ana tjetër, Rakipi ka dorëzuar një kundërpadi ndaj kryeministrit.
Gazetari u shpreh se kryeministri Rama ka intimiduar trupin gjykues, duke u shprehur nga foltorja e Kuvendit, se do t’i fitojë të gjithë gjyqet, një deklaratë kjo e paprecedent.
“Bashkë me avokatin jam në një nga seancat e rradhës me kryeministrin Edi Rama. Ka një të re të rëndësishme në këto procese gjyqësore të Ramës. Ai ka thënë nga foltorja e Kuvendit, se do t’i fitojë të gjitha gjyqet, sikur të jetë ai vetë gjyqtari. Ai ka në dorë gjyaktat dhe vettingun, por gjykatat shqiptare nuk janë të vetmet që gjykojnë, ne do të shkojmënë deri në Strazburg.
I them kryeministrit, të vijë në seancë gjyqësore dhe të dalë përballë nesh, jo të dërgojë vetëm avokatët.
Unë kam dy procese me kryeministrin, më akuzon se e kam fyer, pasi u thotë të gjithë gazetarëve kadri, kazan, etj”, u shpreh Rakipi.
Nga ana tjetër, avokati i Rakipit, Dorian Matlija, tha se deklaratat e kryeministrit e vendosin gjykatën nën presion dhe se çështja do të shkojë deri në Gjykatën e Strazburgut, nëse do të jetë e nevojshme.
