Sekretari i përgjithshën i PD-së, Gazmend Bardhi ka reaguar pas vizitës së kryeministrit Rama në Thumanë duke e quajtur atë një spektakël të shëmtuar.
Rama vizitoi sot Thumanën i shoqëruar nga Elvis Naçi dhe koordinatorja e projektit për Rindërtim Elva Margarita, ku theksoi se në Thumanë do të ngrihet një qytezë e re moderne.
Ndërkohë Bardhi e ka cilësuar si një spektakël të shëmtuar, pasi ndërtimin e shtëpive e ka dëtyrim ligjor.
“Spektakli i shëmtuar i Edi Ramës në Thumanë me shtëpitë që i ka detyrim ligjor për t’i ndërtuar është i papranueshëm dhe nuk e shpëton dot atë dhe bashkëpunëtorët e tij nga përgjegjësia morale, politike dhe penale”-thekson Bardhi.
Gjithashtu ai shprehet se Rama është kthyer në vendin e krimit shtetëror pa dhënë llogari për 24 jetët e humbura.
“Ai është kthyer në vendin e krimit shtetëror pa dhënë llogari për humbjen e jetëve të 24 njerëzve të pafajshëm. Në javën e tretë pas tërmetit, Edi Rama hesht për përgjegjësitë direkte të Komitetit të Emergjencave, të drejtuar prej tij dhe të Bashkisë së Krujës, përse banorët e pallateve të shembura në Thumanë u lejuan të jetojnë aty pas tërmetit të 21 Shtatori” - shtoi Bardhi.
Sipas Bardhit, Rama është i detyruar t’u thotë shqiptarëve çfarë permbanin aktet e konstatimit për dy pallatet e shembura me 26 Nëntor, çfarë masash u morën dhe kush i lejoi banorët të futeshin në pallate të pasigurta pas 21 Shtatorit.
“Edi Rama është i detyruar t’u thotë shqiptarëve çfarë permbanin aktet e konstatimit për dy pallatet e shembura me 26 Nëntor, çfarë masash u morën dhe kush i lejoi banorët të futeshin në pallate të pasigurta pas 21 Shtatorit”-shprehet ai.
Deklarata e plotë
Spektakli i shëmtuar i Edi Ramës në Thumanë me shtëpitë që i ka detyrim ligjor për t’i ndërtuar është i papranueshëm dhe nuk e shpëton dot atë dhe bashkëpunëtorët e tij nga përgjegjësia morale, politike dhe penale.
Ai është kthyer në vendin e krimit shtetëror pa dhënë llogari për humbjen e jetëve të 24 njerëzve të pafajshëm. Në javën e tretë pas tërmetit, Edi Rama hesht për përgjegjësitë direkte të Komitetit të Emergjencave, të drejtuar prej tij dhe të Bashkisë së Krujës, përse banorët e pallateve të shembura në Thumanë u lejuan të jetojnë aty pas tërmetit të 21 Shtatorit.
Edi Rama është i detyruar t’u thotë shqiptarëve çfarë permbanin aktet e konstatimit për dy pallatet e shembura me 26 Nëntor, çfarë masash u morën dhe kush i lejoi banorët të futeshin në pallate të pasigurta pas 21 Shtatorit.
Prokuroria duhet të veprojë menjëherë!
#DREJTËSI për viktimat e 26 Nëntorit!
