Ish-deputeti i PD-së Klevis Balliu dhe 7 protestues janë shoqëruar për në komisariatin e policisë. Protestuesit e arrestuar janë: Dritan Noku, Arend Bushi, Ani Murataj, Andi Sharra, Ervis Hysneli, Kujtim Ylli, Gojart Duro.
Ngjarja ka ndodhur pasi ka mbaruar protesta që banorët e Unazës së Re zhvillojnë çdo natë kundër shembjes së banesave të tyre. Balliu ishte së bashku me kryetarin e Partisë Demokratike Lulzim Basha dhe të dy qëndruan në zonën e Unazës së Re në mbështetje të banorëve të cilët protestojnë prej një viti.
Përfaqësues të PD-së kanë shkuar te Drejtoria e Përgjithshme e Policisë ku po mbajnë të ndaluar ish-deputetin Klevis Balliu. Skënder Doda, Ilir Katiraj dhe Gramoz Shehu janë tre protestues për të cilët është dhënë mas arrest me burg, ndërsa nesër pritet të jepet për 3 të shoqëruarit e tjerë.
Shkak për arrestimet janë ndryshimet në Kodin Penal, ku bllokimi i rrugës është klasifikuar si një vepër penale, dhe kushdo që shkel ligjin nga 8 tetori hyn në burg.
