Policia Kufitare e Kakavijës në bashkëpunim me doganën zbuluan një rast të tentativës për të transferuar në mënyrë të paligjshme jashtë vendit vlera të mëdha monetare. Është proceduar penalisht një 46-vjeçare me iniciale M.Sh. nga Fieri për mosdeklarim të të hollave në kufi të cilës iu gjetën 41200 euro të pajustifikuara me dokumentacion.
“Gjatë kontrollit në vijën e dytë kësaj shtetase nga ana e shërbimeve të policisë kufitare në bashkëpunim me shërbimet doganore, iu gjetën të fshehura në çantë dhe në trup një sasi prej 41.210 euro të cilat dyshohet se rrjedhin nga aktiviteti kriminal i të afërmve të kësaj shtetase” – thuhet në njoftimin e policisë. ©LAPSI.al
