Me shumë mundësi nuk e kishte menduar kurrë Guardiola që skuadra e tij, humbjen e parë sezonale do ta pësonte përballë skuadrës së sapoardhur nga Championship. E megjithatë futbolli është i bukur pikërisht për këtë, sepse të vegjlit arrijnë të mposhtin gjigantët, ashtu si bëri Norwich përballë Manchester City, duke u imponuar 3-2 në stadiumin “Carrow Road”, në të pestën e Premier League.
[video width="1280" height="720" mp4="https://cdnimpuls.com/lapsi.al/wp-content/uploads/2019/09/norwich.mp4"][/video]
Zotërimi i zakonshëm i topit nga Manchester City (69% – 31%) nuk vlen shumë kur në gjysëm orën e parë Citizens nuk bënë asnjë goditje në portë. Por kjo nuk është asgjë në krahasim me befasinë se në këtë hark kohor skuadra e Guardiolës ishte në disavantazh të dy golave. Goditjen e parë Manchester City e mori në minutën e 18, kur Kenny McLean shënoi avantazhin surprizues të vendasve, e vetëm dhjetë minuta më vonë Toddy Cantwell e dyfishoi epërsinë.
[video width="1280" height="720" mp4="https://cdnimpuls.com/lapsi.al/wp-content/uploads/2019/09/norwich-1.mp4.crdownload.mp4"][/video]
City nis përmbysjen duke rritur intensitetin, duke shkuar në dhomat e zhveshjes me optimizëm pas golit të Sergio Aguero, por Guardiola nuk duhet ti kishte bërë llogaritë me golashënuesin më të mirë të
Premier. Teemu Pukki, në minutën e 50, e bëri të pamundur misionin e Manchester City, që mundi vetëm të ngushtojë diferencën në 3-2.
[video width="1280" height="720" mp4="https://cdnimpuls.com/lapsi.al/wp-content/uploads/2019/09/norwich-2.mp4.crdownload.mp4.crdownload.mp4"][/video]
Përfiton nga kjo ndalesë Liverpool, që bën 5 në 5 dhe kryeson i vetëm renditjen. Manchester City mbetet në vendin e dytë me dhjetë pikë e me dëshirën të harrojnë humbjen, me një performancë ndryshe në Champions përballë Shakhtar Donetsk.
[video width="1280" height="720" mp4="https://cdnimpuls.com/lapsi.al/wp-content/uploads/2019/09/norwich-3.mp4.crdownload.mp4.crdownload.mp4.crdownload.mp4"][/video]
PREMIER LEAGUE - REZULTATET
Liverpool 3-1 Newcastle
Brighton 1-1 Burnley
Manchester Utd 1-0 Leicester
Sheffield Utd 0-1 Southampton
Tottenham 4-0 Crystal Palace
Wolves 2-5 Chelsea
Norwich 3-2 Manchester City
