Policia ka dhënë informacione paraprake në lidhje me ngjarjen e ndodhur pak minuta më parë në plazhin e Borshit, ku një skaf u përfshi nga flakët duke shkaktuar panik tek pushuesit.
Mësohet se rreth orës 11:30 në Borsh të Himarës, përballë një lokali gati 200 m larg bregut të detit, ka marrë në flakë mjeti lundrues skaf plastik në pronësi të shtetasit me iniciale M.V.
Si pasojë e flakëve, fatmirësisht nuk janë shënuar të lënduar, por vetëm dëme të pjesshme të skafit.
Nga hetimet paraprake, dyshohet se zjarri ka rënë si pasojë e një shkëndije elektrike.
Grupi hetimor vijon me veprimet e mëtejshme proceduriale për sqarimin e rrethanave.
[video width="560" height="320" mp4="https://cdnimpuls.com/lapsi.al/wp-content/uploads/2019/08/WhatsApp-Video-2019-08-13-at-11.33.07.mp4"][/video]
