Milan nuk ka shumë siguri për momentin, por njëri prej tyre është Krzysztof Piatek. Sulmuesi polak është gati të ngjisë kuqezinjtë në Champions Leagee dhe të sfidojë mallkimin e fanellës me numër 9-të. "Objektivi kryesor është të luajmë në Champions dhe keqardhja më e madhe është që nuk ia kemi dalë ende. Kur erdha në Itali, kush e kishte menduar se do të kisha shënuar më shumë se CR7 ... Por unë dua të përmirësohem dhe të bëhem golashënuesi më i mirë. Do të bëj gjithçka për të pasur sukses. Nga një në dhjetë jam i lumtur ... njëmbëdhjetë. 9-ta është një numër i rëndësishëm për një sulmues, të gjithë më të mirët e kanë. Nuk besoj në bestytni: për mua 9-ta është normalitet, gjithçka do të shkojë mirë si me numrin 19. Kjo nuk më tremb", tha ai për "Gazzetta".
