Nuk ka shkuar mirë për Partizanin transferta në Azerbaixhan dhe tekniku Franco Lerda e ka ndjerë më shumë se të gjithë peshën e një eleminimi, që me pak kujdes mund të mos ishte i tillë. Lorenc Trashi e ka nisur edhe njëherë nga pankina, por edhe në minutat në fushë nuk është se ka bërë diferencën, madje e tij është përgjegjësia e golit të dytë të pësuar nga Qarabag.
Ndoshta edhe për këtë ngacmimi i gazetarit të RTSH është reflektuar me injorim nga italiani, pas ndeshjes: Çfarë doni të thoni? Çfarë pyetje më bën…Sillu mirë...", ndërsa në insistimin nëse bëhej fjalë për një zgjedhje teknike, apo të diktuar nga klubi, Lerda përgjigjet: "Unë jam tekniku, zgjedhjet i bëj unë. Klubi nuk hyn këtu" përpëra se të largohet nga intervista e papërfunduar...
