I ftuar në “Të paekspozuarit”, në Neës 24, analisti Fatos Lubonja është shprehur se Shqipëria sot është përballë një partie gangsterësh. Duke komentuar përgjimet e fundit të publikuar nga gazeta gjermane “Bild”, Lubonja tha se fjalori që dëgjohej ishte skandaloz. Sipas tij, vetëm fjalori e tregon se kjo parti-shtet vepron si një organizatë kriminale.
“Kush ka dëgjuar Ramën me kujdes thotë se unë jam shteti dhe të tjerët janë kundër-shteti. Rama e konsideron shtetin si parti-shtet. Ai thotë “unë jam shteti”. Ai demonstron forcën, për të treguar se shteti i Edi Ramës do të vendosë sundimin e plotë. Jemi përpara një partie-shtet, që nuk është thjesht parti, por organizatë kriminale.
Nuk mund ta imagjinojmë dot Rexhep Meidanin të thoshte: “Mos më çaj k…”. Këtu tregohet se kemi të bëjmë me organizatë kriminale. Edhe të bëjmë luftë kjo ndoshta nuk shkon. Ose do i nënshtrohemi trustit të parave të drogës ose duhet që ta përballim. Ka polici, bën kërcënime, thotë mos flisni për vjedhjet tona edhe mbyllni gojën. Kjo është organizata kriminale”, - deklaroi Lubonja.
