Lidhjet futboll-biznes në aksin Shqipëri-Itali janë të forta dhe tani duken edhe më qartë. Ardhja e një ish-laciali si Edy Reja, me sugjerimin e Igli Tares dhe bekimin e kryeministrit Edi Rama (fotoja zyrtare e takimit të teknikut me Dukën u bë në kryeministri) është vetëm një detaj i bashkëpunimit përtej Adriatikut, ashtu si dhe fakti që Tare dhe Lotito janë të pandashëm, edhe kur në mes futet një klub si Milan. E tani një shoqëri shqiptare me në krye Olsi Ramën, drejtorin sportiv të Partizanit, sipas mediave italiane, është gati të shpenzojë 16 milionë euro për ta marrë drejtimin e Salernitanës, klub në vështirësi në Serie B...
Në fakt, Alitalia mund ta lirojë Salernitana e në mes, edhe këtu, është Claudio Lotito dhe shoqëria shqiptare që përfaqësohet nga vëllai i kryeministrit të Shqipërisë dhe presidenti i Partizanit Gazmend Demi. Propozimi për blerjen e kompanisë ajrore italiane, flamur i Italisë në këtë fushë, është prezantuar me rezerva nga numri 1 i Lazio dhe Salernitana. Por nëse Lotito merr fluturimin atëherë në tokë mbetet Salernitana. Vullneti për të ndërmarrë një aventurë të re po merr gjithnjë e më shumë kuota, njëkohësisht edhe idea për të shitur klubin e futbollit: dy grupe janë të interesuar për klubin granata. I pari është një grup italian, tjetri shqiptar.
Ky i fundit udhëhiqet nga Olsi Rama, drejtori i përgjithshëm i Partizanit dhe vëllai i kryeministrit aktual të Shqipërisë. Presidenti i formacionit shqiptar, mik me ish-drejtorin e përgjithshëm të Juventus Luciano Moggi në ditët e ardhshme mund të formulojë një propozim. Me 16 milionë euro operacioni mund të kryhet, edhe pse në muajt e kaluar, Lotito ka refuzuar propozimet që i kanë mbërritur në tavolinë, në veçanti njëra nga një shoqëri (operonte në territorin salernitan) që kishte si qëllim të sillte pak oksigjen për ëndrrat dhe ambicjet e ambjentit granata.
