I pabesueshëm, i jashtëzakonshëm, përbindësh: vetëm 19 vjec (i mbush në 21 korrik) Erling Braut Haland futet menjëherë në historinë e futbollit, duke shënuar nëntë gola në një ndeshje, në Botërorin e Under 20. Norvegji-Honduras 12-0 dhe sulmuesi i Salsburg, mes minutës së 7' e 90' e tund rrjetën 9 herë. Djaloshi 191 centimetra e 87 kilogram, është rritur tek të rinjtë e Bryne e ka një të majtë fine e nuhatje të ndjeshme për golin.
Nëntë gola në tre ndeshje (Norvegia ka humbur sfidat me Zelandën e Re e Uruguay) që me shumë mundësi do ti lejojnë Kombëtares së tij të kualifikohet si e treta më e mirë e turneut, por që gjithashtu ndihmojnë të tërheqin vëmendjen, tek sulmuesi, të shumë klubeve të mëdha. Juventus madje vitin e kaluar kërkoi ta sillte në Torino, kur Haland luante ende për Molde
Sipas të dhënave të Transfermarkt.it vlera e kartonit të tij është 5 milionë euro, por mosha e re dhe përfaqësimet e mira mund të rrisin cmimin: në gjurmët e tij janë edhe disa klube të Premier League, ku spikat Manchester United.
