Kryetari i grupit parlamentar të Partisë Socialiste, Taulant Balla është shprehur se do të depozitojë kërkesë për shkarkimin e Edi Palokës si nënkryetar i Kuvendit, pas veprimeve të tij në seancën e ditës së sotme.
“PD kryen atë akt të turpshëm në sy të Talat Xhaferit. Gjithcka u bë në një seancë solemne si është momenti i votimit të marrëveshjes për anëtarësimit në NATO të Maqedonisë së Veriut dhe në prezencën e një miku të vyer jo se është kryetari i kuvendit të Maqedonisë së Veriut, por se është personalitet i rëndësishëm i shqiptarisë. Berisha ia ka marrë dorën që cadrën ta bëjë pistoletë dhe shiringën ta bëjë stilograf. Të bëhen hetimet për turpin që kreu nënkryetari i Kuvendit. Garda të bëjë hetimet e veta për turpin që bëri nënkryetari i Kuvendit. Ne do të depozitojmë kërkesën për shkarkimin e Palokës si nënkryetar i Kuvendit”- tha Balla.
