Përdhunimi i 13-vjeçares ka tronditur të gjithë opinionin publik dhe po flitet gjerësisht për të. Së fundmi ka reaguar edhe familja e djalit i cili cilësohet si “i dashuri i vajzës”. Në një mesazh dërguar në dritare.net, prindërit shprehen se djali i tyre ndodhet në gjendje të rëndë psikologjike.
“E respektuar gazetare unë që po të shkruaj jam prindi i djalit që mungon. Do të thoja që djali im nuk është i dashuri i vajzës dhe shumë nga ato që keni thënë nuk janë ashtu. Kur dolëm nga komisariati na u tha avokatët do ju njoftojnë dhe djali im nuk di asgjë ca po ndodh dhe është i rënduar shumë psikologjikisht po sa të ndjehet më mirë do përballet me gjithçka. Gjerat janë shumë më ndryshe” - thuhet në mesazh.
