I njohur për një kohë të gjatë si një nga publicistët që i ka mbështetur më me forcë qëndrimet e opozitës, duket se kohët e funditPreç Zogaj ka marrë një pozicion më kritik. këtë ka bërë edhe në një shkrim të fundit në gazetën Panorama, ku ai kritikon shpërthimin e skandaleve dhe përgjimeve pa kriter, të cilat PD-së mund t'i kthehen në boomerang. Duke u nisur nga përgjimi i fundit Biba, Bianku, për të cilin thotë se i është dhënë PD-së me 4 vite vonesë dhe ndoshta për interesa personale Zogaj e rendit atë mes 'bombave" që kanë më shumë zhurmë sesa thelb.
"Në qoftë se qasja opozitare ndaj problemeve madhore është njëlloj si qasja për problemet jomadhore, atëherë ndodh ajo që populli e thotë me shprehjen “mbarset mali dhe pjell një mi”!
“Bombat” tona në fakt janë sheshit. Janë koncesionet korruptive, janë tenderët pa garë, janë lojërat e fatit, janë lidhjet si në asnjë vend tjetër të politikës me krimin, është kriminalizimi deri në palcë i pushtetit, ku institucionet rëndom janë vetëm vitrina të krimit..." shkruan ai dhe shton:"Retorika nuk e ka për gjë të paraqesë si “bombë” të madhe edhe një të mesme apo të vogël. Diku nga budallallëku, diku për interes, diku në funksion të një opozitarizmi zhurmëmadh josubstancial, që herët e vonë bëhet i lexueshëm. Por këtu nuk ka vlerë si e mendojmë apo si e bëjmë. Ka vlerë si e vlerësojnë qytetarët. Në mesataren e vet, gjykimi popullor është i shëndoshë dhe etik. Hesapet duhen bërë gjithmonë me këtë standard gjykimi. Përndryshe, “bombat” kthehen në boomerang".
©Lapsi.al
