Ndërsa Ritvan Zykaj po kalon kohë në Facebook duke parë dhe lexuar atë që shkruhet për të në rrjetet sociale, mbi 100 policië kanë rrethuar zonën përreth fshatit Resulaj.
Por 24-vjeçari e njeh shumë mirë terrenin sepse ka qenë bari. Dyshime ka gjithashtu se ai mund të fshihet edhe në ndonjë prej shpellave që ka në këtë zonë, ndërsa errësira e bën të vështirë lokalizimin.
Një grup policësh kanë hyrë nga krahu i fshatit Roms, si dhe nga krahu i Mallakastrës, ndërsa në përforcim të tyre kanë ardhur edhe FNSH nga Fieri, përveç repartit të RENEA-s.
Por nuk përjashtohet mundësia që autori të jetë larguar përmes një rruge që të nxjerr edhe në autostradën Levan-Tepelenë.
Në këtë operacion janë mbi 100 punonjës policie që kanë zbarkuar në terren për të vënë në pranga Ridvan Zykajn, autorin e krimit të 8-fishtë në Resulajt të Vlorës.
Përveç forcave të rendit, në terren janë edhe qentë e policisë, që po kërkojnë të riun.
