Kim Kardashian dërgoi me urgjencë në spital bashkëshortin e saj Kanye West. Sipas “TMZ”, gjendja shëndetësore e reperit 41-vjeçar sa vinte e përkeqësohej si pasojë e gripit dhe kishte nevojë urgjente për t’u vizituar nga mjekët. Mësohet se ai ka qëndruar për disa orë në spital dhe më pas është këshilluar të pushojë në shtëpi. Kanye i kishte paralajmëruar problemet me shëndetin në një postim në “Twitter” me 14 korrik.
“Kur të ndiheni të mërzitur, të irrituar dhe të lodhur nga gjithçka, falënderoni Zotin se nuk keni dhimbje të tmerrshme koke. Ndihesh sikur je në një episod të ‘Black Mirror’, kur bleta pickoi në vesh djaloshin” – shkruante Kanye.
