Prokurorja e Përgjithshme e Përkohshme Arta Marku do i nënshtrohet vettingut. Mësohet se seanca dëgjimore në Komisionin e Pavarur të Kualifikimit do të mbahet më 3 korrik ora 10:00. Trupa gjykuese që dotë shqyrtojë pastërtinë e figurës dhe pasurinë e Arta Markut përbëhet nga Genta Tafa, Pamela Qirko Suela Zhegu. Prokurorja e përgjithshme e përkohshme ka më shumë se 6 muaj në atë institucion, ndonëse u tha fillimisht se ajo do të qëndronte 2 deri në 3 muaj deri në ngritjen e KLP-së. Por gjasat janë që institucionet e reja të sistemit të drejtësisë të vonojnë të ngrihen dhe se Arta Marku do të jetë në krye të organit të akuzës për një kohë relativisht të gjatë. Deri më tani ajo ka bërë lëvizje të shumta në radhët e prokurorive në rrethe, duke emëruar njerës të saj të afërt. Po kështu shkarkoi edhe kreun e Prokurorisë së Krimeve të Rënda, Besim Hajdarmataj.
© LAPSI.al
