Tre ditë më parë, të enjten, gjatë seancës së parlamentit pati një moment që nuk kaloi pa vëmendje. Gjatë fjalës së kreut të PD-së, Lulzim Basha pati një pjesë ku deputetët e mazhorancës nisën të qeshin. Reagimi i Bashës ishte me këto fjalë:
“Shikoni si zgërdhihen. Ata që zgërdhihen më shumë njëri prej atyre që zgërdhihen më shumë (Taulant Balla, shënim red.) ka qenë në Gjermani para tre ditësh.
Mbajeni mend këtë që po ju them. Dhe ka porositur një Toyota Yaris, por ta kanë zbuluar Toyotën, o zgërdhimtar, bashkë me 1.5 milion euro të drogës brenda.
Vazhdo qesh, do ta shikosh se çfarë do të tundet para hundës shumë shpejt” – tha Basha.
Këtë të diel në mesditë një automjet Toyota Yaris u kap në portin e Durrësit me 1.5 milionë euro brenda. Makina vinte nga Ankona, por ishte porositur në Belgjikë. Autoritetet shqiptare u vunë në alarm pas një sinjalizmi të Interpol Romës. Të jetë rastësi, apo Basha ka ditur diçka më shumë?
