Një shqiptar u arrestua në Itali pasi u kap me 50 kilogramë marijuanë.
29-vjeçari Ervis Ismailaj e kishte fshehur drogën brenda një furgoni frigoriferik të marrë me qira, që u sekuestrua nga policia italiane në Catania.
I marrë fillimisht në pyetje nga financierët, Ismailaj ka treguar shenja të qarta nervozizmi.
Kontrollet e mëtejshme në pjesën e pasme të furgonit bënë të mundur gjetjen e sasisë së drogës të ndarë në 5 qese.
Lënda narkotike dyshohet se do të shitej tek konsumatorët në zonë, e cila do t’i sillte 300 mijë euro në shitjen me pakicë.
Shoferi shqiptari me banim në Aci Sant’Antonio, u arrestua dhe u shoqërua për në Piazza Lanza në dispozicion autoritetit gjyqësor.
