Ambasadori Donald Lu ka reaguar për zërat gjithnjë e më të fortë që vënë në dukje paralizimin e Gjykatës Kushtetuese dhe asaj të Lartë. Por ndryshe nga ata që mendojnë se gjykatat janë inekzistente për shkak të vetingut dhe të fazës kalimtare të ngritjes së institucioneve të reja të drejtësisë, ambasadori amerikan thotë se bllokimi i gjykatave vjen nga korrupsioni i gjykatësve. I pyetur nga Neës24, ambasadori është përgjigjur:
"Vetingu po funksionon. Shumë gjykatës dhe prokurorë janë shkarkuar sepse nuk mundeshin të justifikonin pasurinë e tyre të madhe apo të tregonin se kishin integritetin e duhur për t’i shërbyer drejtësisë në Shqipëri. Disa njerëz e kanë kritikuar procesin sepse ka penguar funksionimin e Gjykatës Kushtetuese dhe Gjykatës së Lartë. Unë nuk mendoj kështu. Ishte korrupsioni që pengoi funksionimin e këtyre gjykatave për vite me radhë. Vettingu po e ndreq këtë. Së shpejti Shqipëria do të ketë një sistem me gjykatës dhe prokurorë të pastër, që e kanë kaluar vettingun. Ai sistem është e ardhmja e Shqipërisë"
