Zbulohen detaje të reja nga operacioni i policisë së Durrësit e cila zbuloi në një makinë pa targa të ardhur me tragetin e linjës së Ankonës një sasi të madhe eurosh cash. Pas numërimit, burimet thanë se mund të bëhet fjalë për rreth 5 milionë euro.
Ato ishin shpërndarë në pjesë të ndryshme të automjetit tip “Toyota Yaris”, e cila ishte e ngarkuar në një autokamion së bashku me 7 makina të tjera. Mësohet se makina është bllokuar rreth orës 15:00 në port, por policia kishte marrë sinjalizim nga Interpol Roma.
Historia bëhet interesante nëse kujtojmë se 3 ditë më parë kryetari i PD-së Lulzim Basha foli në parlament për një makinë “Toyota Yaris” brenda së cilës ishin kapur 1.5 mln euro para droge. ©LAPSI.al
LEXO EDHE: Si e paralajmëroi Basha 3 ditë më parë kapjen e Toyota Yaris me 1.5 mln euro
