Sipas Lulzim Bashës, partitë e koalicionit qeverisës në Gjermani morën vendim ditën e mërkurë në mbrëmje për qëndrimin që do të mbajë në samitin e 28-29 qershorit. Basha tha se Shqipërisë jo vetëm do t'i vendosen kushte nga Këshilli Europian, por do të ketë edhe një proces kontrolli që tregon mungesën e besueshmërisë ndaj raportimit të Edi Ramës në kancelaritë e huaja për reformat në Shqipëri.
"Kristiandemokratët dhe kristiansocialët gjermanë dhe social-demokratët gjermanë kanë rakorduar qëndrimin e tyre sa i përket hapjes apo jo të negociatave me Shqipërinë. Ashtu si Edi Rama e di mirë, lajmi nga ky rakordim është më i keqi që shqiptarët mund të prisnin, lajm që Shqipëria nuk e meriton, por është verdikti gjerman, tashmë jo vetëm i Krishbaum, jo vetëm i Vadefulit, por i mazhorancës gjermane, se Edi Rama ka gënjyer dhe Shqipëria nuk i ka plotësuar kushtet. Në këtë rezolutë që do bëhet zyrtare të martë, Shqipërisë nuk i vendosen vetëm kushte, por edhe një proces kontrolli që demonstron pabesueshmërinë totale nga cxdo raportim që bën Rama apo hallka institucionale të blera nga ai." tha Basha
Sipas Bashës, kryeministri Edi Rama është informuar për këtë vendim, por ai vjen në parlament dhe bën të paditurin, duke censuruar mediat që të mos e transmetojnë.
