Pas shpalljes së papunësisë në nivelin 12.5%, më i ulti që ka shpallur ndonjëherë INSTAT, reagimet e para të opozitës ishin shifrat e shqiptarëve që duan të largohen nga vendi dhe shifrat e atyre që ikën në azil, kryesisht në Gjermani, Francë, Hollandë etj.
Por në një prononcim për Top Channel, zv/ministrja e ekonomisë Dajna Sorensen thotë se ekonomia shqiptare prej disa vitesh po krijon punësim me ritme të qëndrueshme.
“Kjo do të ishte e vërtetë nëse do kishim rënie në forcën e punës”, tha Sorensen, që vuri në dukje se treguesit janë rritur si në nivelin e punësimit, ashtu edhe në forcat e punës.
Sipas INSTAT aktualisht numri i të punësuarve në ekonominë shqiptare llogaritet në rreth 1 milionë e 127 mijë vetë me një rritje prej 61 mijë të punësuar krahasuar me një vit më parë.
