Një sherr mes bandave shqiptare mbrëmjen e djeshme në Belgjikë la një person të vdekur dhe katër të tjerë të plagosur.
Ngjarja ndodhi mbrëmë rreth orës 22:30 në komunën Ans të Belgjikës, ku dy banda rivale shqiptare u përfshinë në një sherr masiv mes tyre.
Sipas mediave belge, gjatë konfliktit janë përdorur thika, shkopinj bejsbolli, shkufra hekuri dhe sende të tjera të forta.
Një grua 43-vjeçare humbi jetën duke u përpjekur të ndihmonte mikun e saj që kishte pësuar lëndime nga goditjet. Ajo u përplas nga një makinë.
Identifikimi i viktimave nuk bëhet i ditur. Disa prej personave të përfshirë në konflikt janë identifikuar nga policia, por deri tani asnjë prej tyre nuk është arrestuar apo shoqëruar.
