Ndërkohë që kreu i Kuvendit, Ruci, pas votimit të ligjeve në rend dite, mbylli seancën plenare, deputetet e PD-së kanë vijuar qëndrimin në sallë, duke folur nga foltorja e Kuvendit përmes lidhjes live në FB. Berisha ka lëshuar akuza në adresë të kryeministrit Rama.
“Ai dhe klika e tij ka bërë zgjedhjen mes Evropës që është jetike për të gjithë ne dhe drogës që mbush kontot bankare me qindra milionë euro, ata kanë zgjedhur drogën. Sepse janë ata që në 2016 e universalizuan, që ajo të mbillet në cdo skaj të vendit, se nga 24 kg kokainë të regjistruara në tetë vitet para tyre, vetëm një vit pasi erdhën në pushtet në fabrikën e Xibrakës ku i vëllai i Noriegës kishte rol kryesor erdhën 550 kg dhe u bë fabrika më e madhe e kokainë në Ballkan, për të mos folur për ngarkesë 1 mijë kilëshe që shpërndahen dhe kanë bërë që vendi të quhet qendër operacionale e krimit rajonal”- tha Berisha.
Berisha ka numëruar rastet sipas tij kur Rama ka faktuar lidhjet dhe mbrojtjen që i bën ai krimit.
“Se kur policitë ndalon Bardhok Planën, ai urdhëronte lirimin e tij të menjëhershëm, kur mori polici nga policia kolumbiane për 613 kg kokainën, bëri gjithçka, ndërroi edhe drejtorin, por kur dështoi deklaroi se e kapi pa asnjë ndihmë. Rama është rilindësi për të cilën bën fjalë në telefonatat me të dashurën Met Kanani, Eskobari tjetër. Do fitojë rilindësi i thoshte e dashura Met Kanani, Kanani mik kishte gramozin, por në rilindës lartësonte vetëm Ramën”- tha Berisha.
