Shumë shqiptarë do ta mbajnë mend ambasadorin Donald Lu, si njërin ndër të paktët që u mundua për reformën në drejtësi.
Por afati i diplomatit amerikan në Tiranë është drejt fundit dhe karriera e tij do të vijojë tutje, larg Shqipërisë.
Donald Lu pritet të largohet këtë verë nga Shqipëria dhe vendi se ku ai do të nisë misionin e ri do të jetë në Lindje.
Shtëpia e Bardhë ka vendosur që ta çojë Donald Lu-në në Kirgistan.
“Donald Lu, Kaliforni, Anëtar i Karrierës i Shërbimit të Lartë të Jashtëm, të emërohet Ambasadori i Fuqiplotë i Shteteve të Bashkuara të Amerikës në Republikën e Kirgistanit“, thuhet në njoftimin e Shtëpisë së Bardhë.
