Në intervistën e dhënë për Neës 24, ish-kryeministri Sali Berisha nuk ka pranuar të japë detaje mbi burimin nga e ka siguruar PD-ja audio-përgjimin për vëllain e ministrit të Brendshëm. Gjithsesi ai ka konfirmuar një përplasje mes Saimir Tahirit dhe Fatmir Xhafajt brenda PS.
“PS është në sherr pas “plumbit” në zarf” që ai i dërgoi RAmës. Njerëzit e thonë këtë me të drejtë për shkak të një beteje të egër mes Xhafajt e Tahirit sapo Fatmiri u zgjodh ministër. Po të dëgjosh fjalën e Tahirit të fundit, e shikon sulmin frontal që i bën pasardhësit. Xhafaj për të krijuar policinë e tij duhet të përmbyste atë të Tahirit.
Por nuk ishte Xhafaj i duhuri. Këto ditë bandat nga Vlora në Shkodër, nga Durrësi në Korçë kanë bërë me dhjetëra lloj përpjekjesh që ai regjistrim të mos dalë për Agronin, se ai ishte garanci e jashtëzakonshme, “Princ i Krimit”, - tha Berisha.
Opozita ka akuzuar ministrin e Brendshëm, Fatmir Xhafajn se ka ndihmuar vëllain e tij, Agron Xhafajn që të mos arrestohet edhe pse është i dënuar me 7 vite burg në Itali.
