Partia Demokratike informoi kryeministrat e huaj, zyrtarë të lartë, Departamentin Amerikan të Shtetit, FBI, ministrinë e Jashtme të Britanisë dhe gjithë institucionet e rëndësishme për dosjen e vëllait të ministrit të Brendshëm, Fatmir Xhafaj, dënuar nga gjykata e kasacionit në Itali, si pjesë e një bande ndërkombëtare të drogës, si dhe për falsifikimin që sipas PD, Xhafaj i ka bërë ligjit të ekstradimit për të mbrojtur të vëllanë.
Në faqen zyrtare të PD-së, në Twitter, duke nisur që nga data 9 maj, ditë kur PD zbuloi për publikun dosjen e dënimit të Agron Xhafajt, janë postuar materialet që selia blu i ka përcjellë institucioneve të rëndësishme dhe emrat më të lartë të qeverisjes ndërkombëtare.
Zyrtaret qe u shkoi denoncimi i PD
Sebastian Kurz, kryeministër i Austrisë
Karin Kneissl, ministrja për Europën e Austrisë
Juergen Hardt, deputet i CDU
Florian Hahn, deputet i Bundestagut
Paul Ziemiak, deputet i CDU
Manfred Weber, kreu i grupit të PPE në Parlamentin europian
Doris Pack, ish europarlamentare
Joseph Daul, Presidenti i PPE
Gerard Collomb, ministër i Brendshëm i Francës
Charles Michel, kryeministri i Belgjikës
Malik Azmani, deputet në Holandë
Mario Mauro, senator i Forza Italia
Pier Ferdinando Casini, senator në Itali
Departamenti i Shtetit në SHBA
Departamenti i Drejtësisë në SHBA
DEA
FBI
Ministria e Jashtme e Britanisë
Boris Johnson, Sekretar i Shtetit për marrëdhëniet me Jashtë në Britani
