Kryeprokurorja Arta Marku ka shkarkuar drejtuesin e Prokurorisë së Krimeve të Rënda Hajdarmataj për të vënë në krye të këtij institucioni të rëndësishëm një njeri të paaftë.
Kjo ishte deklarata e fortë e ish Ministrit të Jashtëm Besnik Mustafaj, i cili thotë më tutje se kryeprokurorja ka një “ves të keq”, punëson në poste kyçe njerëz të saj të afërt. I ftuar në rubrikën Opinion në News24, Mustafaj tha se Arta Marku po vë në punë shoqet e saj.
“Një aspekt është se kryeprokurorja e përgjithshme nuk ka dhënë asnjë argument pas shkarkimit të prokurorit që heton Tahirin. Arta Marku po bën një gjë të papajtueshme me frymën që supozohet se do fusë reforma në drejtësi. Ajo po punëson shoqet e saj personale, njerëzit me të cilët ka lidhje emocionale. Kjo zhvlerëson parimësinë e këtyre lëvizjeve. Arsyeja e tretë lidhet me rezultatet me kryeprokuroren që po zëvendëson Hadarmatajt. Kemi një mori faktesh të tjera që tregojnë se kjo zonjë është profesionalisht e paaftë për të mbajtur barrë të mëdha,” tha Mustafaj.
