Policia e Kosovës ka konfirmuar se emri i viktimës që u gjet i djegur dje në Fushë-Krujë është Xhafer Osmani. Mësohet se Osmani është nga fshati Pestovë i Komunës së Vushtrrisë, ndërsa më 4 maj dikush nga familjarët e kishte raportuar si të zhdukur në Polici.
Xhafer Osmani gjatë ditës së djeshme është gjetur i djegur brenda veturës në fshatin Derven të Fushë Krujës në Shqipëri.
Zëdhënësi i Policisë për rajonin e Mitrovicës Zahiti tha për Express se më 4 maj familjarët e kanë raportuar si të zhdukur një person me identitetin e njëjtë me trupin e pajetë që u gjend dje në Fushë-Krujë. Dyshohet se bëhet fjalë për të njëjtin person.
“Më 4 maj, në orët e vona dikush nga familjarët e ka raportuar si të zhdukur në polici një person dhe dje e kanë gjetur në Fushë-Krujë dyshohet që bëhet fjalë për personin e njëjtë”, tha Zahiti. Ky i fundit po ashtu ka konfirmuar se identiteti i viktimës është Xhafer Osmani.
