Një aksident i rëndë ka ndodhur rreth orës 14:30 të së shtunës në aksin rrugor Rrëshen - Milot. 3 automjete janë përplasur duke shkaktuar të paktin 6 të plagosur, 3 prej të cilëve në gjendje të rëndë.
Menjëherë në vendngjarje kanë mbërritur shërbimet policore që kanë konstatuar se janë përplasur një Volkswagen me targë KS 01-994 IG me drejtues F.S., një Opel me targë KS 03-272 FI me drejtues F.N. dhe një Benz me targë AA 254 OH me drejtues F.L.
Sipas policisë është plagosur drejtuesi dhe pasagjeri i mjetit Volkswagen, si dhe një nga pasagjerët e mjetit Opel, të cilët janë dërguar në spitalin e Traumës në Tiranë për ndihmën e nevojshme mjekësore.
Të lënduar kanë mbetur edhe 3 pasagjerë në mjetin tip Opel (ndër ta 2 fëmijë), të cilët ndodhen në spitalin e Rrëshenit për ndihmën e nevojshme mjekësore.
Grupi hetimor në bashkëpunim me Prokurorinë e Rrethit Gjyqësor Lezhë po vazhdojnë hetimet për zbardhjen e plotë të shkaqeve të aksidentit.
©LAPSI.al
