Gjykata Penale ka lënë në burg pa afat dy autorët e vrasjes gjatë tentativës së grabitjes në Kamëz në datë 24 Prill, Vladimir Kurti dhe Rrushdi Hoda. Kurti në tentativë grabitje vrau pronarin e marketit Agim Buci, ndërsa gruaja mbeti e plagosur. Hoda është bashkëpunëtor në krim.
Autori i krimit Vladimir Kurti u shfaq i penduar në sallën e gjyqit. Asnjë pjestar i familjes së dy grabitësve nuk ishte në dallën e gjyqit.
Më herët, babai i Vladimir Kurtit u shpreh pas ngjarjes se e ka mohuar të birin, ndërsa kërkoi që të varet për krimin që ka bërë. Pamjet filmike të automjetit të Hodës ishin prova e parë që çuan në identifikimin e të dyshuarve. Sipas prokurorisë, ka qenë Kurti që i ka thënë Hodës se do të shkonin që të vidhnin dhe para se të shkonin te dyqani i Agim Bucit, Vladimiri i ka dhënë Rrushdiut një thikë, një palë dorashka dhe një kapuç.
Para se të futeshin në dyqan, Vladimir ka nxjerrë pistoletën, ndërsa Rrushdiu thikën duke u futur në dyqan. Vladimiri është afruar tek kasa për të marrë lekët, aty ndodhej edhe fëmija i Agim Bucit.
