Këngëtarja Era Istrefi pas një përiudhe pushimi po rikthehet në skenë me disa projekte të reja. Para pak ditësh ajo publikoi këngën “Origami”, në bashkëpunim me Maphorisa-n. Ndërkohë që është duke shijuar suksesin e këngës, Era nuk ka ndërmend të ndalet.
Ajo ka treguar se është duke punuar për një tjetër bashkëpunim. Era ka postuar në Instastory një foto me këngëtarin e famshëm shqiptar, Claydee dhe ka shkruar se janë duke punuar së bashku. Këngëtari i hitit “Mamacita”, ka bashkëpunuar më parë me Ermal Mamaqin, Faydee si dhe me këngëtarë të tjerë të njohur.
