Ramush Haradinaj nuk është më në kërkim nga Interpol. Ministria e Drejtësisë në Kosovë konfirmoi për Ekspres, se emri i kryeministrit është fshirë nga lista e personave të kërkuar për arrestim. Kërkesa për pastrimin e figurës së kreut të qeverisë dhe disa personave të tjerë, ishte bërë 1 vit më parë nga policia e Kosovës.
Ndaj Ramush Haradinajt ishte lëshuar një urdhër-arresti ndërkombëtar nga ana e Serbisë, për krime lufte. Ai u ndalua disa herë jashtë Kosovës për shkak të këtij urdhër-arresti. Hera e fundit ishte në Francë ku iu nënshtrua edhe njëj procesi gjyqësor. ©LAPSI.al
