Edhe këtë qershor, prestigjiozja “Forbes” ka publikuar listën e personazheve të famshme që kanë fituar më shumë vitin që lamë pas.
Ndryshe nga viti që lamë pas kur kryesonte Taylor Swift, këtë vit në krye të listës është reperi i njohur Diddy me 130 milionë $, shifër e fituar nga turneu “Bad Boy Family Reunion Tour”, nga linja e rrobave “Sean John” dhe partneriteti me “Ciroc Vodka”. Në vend të dytë renditet Beyonce, me 105 milionë $ të fituara nga shitjet e “Lemonade”, turneu “The Formation World Tour” dhe nga linja e rrobave “Ivy Park”. Ndërkohë në vend të tretë ndodhet autorja e “Harry Potter”, J.K. Rowling, me 95 milionë $.
Të gjithë personat, pjesë e listës së 100 personave më të pasur, kanë akumuluar plot 5,15 bilionë $ nga 1 qershori i 2016-s deri në 1 qershor të këtij viti.
