Michael Jackson ka parashikuar vdekjen duke shprehur frikë serioze për jetën e tij. Kjo është zbuluar falë disa letrave që janë lëshuar nga biznesmeni gjerman Michael Jacobshagen i cili ishte mik i ngushtë me legjendën për 20 vjet.
Jacobshagen, foli rreth parashikimeve të çuditshme të këngëtarit në një intervistë me transmetuesin ‘Daphne Barak’ për një emision televiziv në Australi.
I riu zbuloi se si Jackson i përlotur e thirri atë dhe iu lut që të fluturonte nga Gjermania në SHBA për të qenë me të para turit të tij të madh të Londrës. Pasi ai fluturoi, Jackson i dha atij 13 letra në të cilat thuhej “ata po tentojnë të më vrasin” dhe “po frikësohem për jetën time”.
Kurrë nuk u kuptua se kush ishin “ata”, por disa thonë se ai iu referua organizatorëve të koncertit, të cilët po i bënin presion atij. Vetëm disa javë më vonë, superylli u gjet i vdekur pas një overdoze me sedativ dhe doktori i tij personal Conrad Murray u dënua me katër vjet burg për këtë.
