Të premten, ikona e modës u bë një Komandante Dame e Perandorisë Britanike nga Mbretëresha Elizabeta II, ekuivalenti femëror i një kalorësi.
Wintour u nderua për shërbimet ndaj modës dhe gazetarisë në “Buckingham Palace” dhe u shfaq e veshur me syzet ikonë të diellit në ceremoni (por jo brenda sallës, pasi kjo do të ishte një shkelje e madhe e etiketë).
Anna kishte zgjedhur të vishte një pallto rozë Chanel dhe fustan për këtë rast. Më pas u tha se Mbretëresha mezi kishte gjetur një vend në veshjen e saj për të vendosur dekoratën.
Wintour, një forcë e njohur në fushën e modës, është një person i dashur nga mbarë indrustria (ndikimi i saj i tmerrshëm u bë i famshëm në komedinë e Meryl Streep, 2006, “The Devil Wears Prada”, një film i bazuar në një roman të shkruar nga ish-ndihmësi i saj).
Wintour ka lindur në Britani, duke nisur një karrierë në gazetarinë e modës në vendlindjen e saj përpara se të zhvendosej në Nju-Jork. Në vitin 1985 ajo u kthye në Britani për të drejtuar “Vogue” britanik, por në vitin 1988, Wintour u punësua si redaktore e “Vogue”-it amerikan, duke mbajtur ende në ditët e sotme atë pozicion.
