Dukesha e Cambridge Kate Middleton dhe bashkëshorti i saj, princi William i kërkuan 1.6 milionë euro dëmshpërblim revistës së përjavshme franceze “Closer”.
Shuma e parave u kërkua pas publikimit prej saj në vitin 2012 të disa fotografive ku Kate, shihej pa reçipeta.
Këtë fakt e bëri me dije njëri nga avokatët e revistës Paul-Albert Iweins, gjatë një procesi gjyqësor në Nanterre, pranë Parisit. Fotografitë ku Kate shihej gjysmë e zhveshur bënë xhiron e botës, duke irrituar familjen mbretërore.
Fotografitë u shkrepën në fshehtësi gjatë pushimeve të çiftit në jug të Francës, dhe u publikuan në 14 shtator të vitit 2012.
Kate dhe William po merrnin rreze dielli në tarracën e një resorti luksoz në Luberon, në kështjellën e Autet, pronë e kontit Linley, nip i mbretëreshës Elizabeth.
